تعليقات لموقع فضفضة مواطن - مدينة العبور

تعليق على مدونة شكاوى المواطنين بواسطة روتانا

روتانا — Fri, 03 Sep 2010 07:58:08 +0000

انا واحده من العبور قسم العبور ده زبله جدا وانا بقدم شكوى عن القسم ويارت وزير الدخليه يتصرف مع القسم دول بيعملوا الناس بشكل مش كويس وحتى لو أنت مظلوم ويعملوك زاى اى حد بجد لازم يكون فى وقفه مع قسم العبور ويارت أى حد يوصلنى لـ وزير الدخليه وشكرا

تعليق على مدونة شكاوى المواطنين بواسطة Tamer

Tamer — Wed, 01 Sep 2010 10:00:35 +0000

الميه مقطوعه بقلها 3 ايام متواصله و لما بتيجى بتيجى ضعيفه و احنا عندنا اولاد . نعمل ايه ؟ وممكن نعرف سبب المشكله ايه ؟

تعليق على مدونة شكاوى المواطنين بواسطة عادل خميس

عادل خميس — Sun, 29 Aug 2010 11:56:42 +0000

الى اهالى مدينة العبور معا لنجعل مدينتنا احسن المدن بالتعاون مع السادة المسئولين عن المدينة معا نحل المشاكل التى منتشرة فى المدينة………adel_akh@hotmail.com……..دعوة لكل اهل المدينة العبور لتواصل لنرفع من شان المدينة العبور وشكرا

تعليق على مدونة شكاوى المواطنين بواسطة عادل خميس

عادل خميس — Tue, 24 Aug 2010 11:12:47 +0000

الى السيد رئيس جهاز مدينة العبور.. المدينة اصبحت الان ليست عروس المدن كما كانت بسب الاهمال فى الجناين العامة وعدم الاهتمام بها …..وموضوع التوك توك المنتشر بطريقة رهيبة

تعليق على مدونة شكاوى المواطنين بواسطة كفاية حرااااااااااااام

كفاية حرااااااااااااام — Sun, 08 Aug 2010 21:18:27 +0000

بجد والله تعبنا
انا من سكان محلية 12 مدينة العبور شارع 53 بجوار شركة الكهرباء
1- مياة مقطوعة يوميا بالساعت الطويلة واحيانا بالايام
2- كهرباء الشارع مقطوعة من العواميد ولا يوجد اي اضاءة مما ينشر جميع انواع الفساد من سرقات و شرب المخدرات وعدم و جود امان لنا او لزوجاتنا او لاولادنا ولا حياة لمن تنادي
3- قمامة في الشوارع منتشرة بطول الشوارع ولازم تتخانق مع بتوع النظافة علشان حد يجيلك وينظف بعد كام مشكلة
4- نفسي اعرف خطوط الاتوبيس العام راحت فين فجاة 706 اختفي من بعدة 751 والبقية تاتي وطبعا بقية الخطوط قللت عدد اتوبيساتها
دا طبعا خلاف ميني باصات الشركات الخاصة امثال 38 ومن بعدة اختفاء 35 و35 بشرطة
من الواضح ان المواصلات كانت معمولة لتعمير المدينة ولما عمرت قالوا يحبسونا فيها
وحسبنا الله ونعم الوكيل

تعليق على مدونة شكاوى المواطنين بواسطة عادل خميس

عادل خميس — Wed, 04 Aug 2010 14:20:32 +0000

اصبح الان عدم الاهتمام بالحدائق وعدم رى الاشجار هو الحقيقة الواقعة .. وشكرا على مجهوداتكم السابقة

تعليق على مدونة شكاوى المواطنين بواسطة محمد مصطفي المحامي

محمد مصطفي المحامي — Sun, 25 Jul 2010 21:20:40 +0000

أولاً : التوك توك … بجد حرام احنا هربنا لمدينة جديدة محترمة ونتفاجئ بكارثة اسمها التوك توك لان مظهرها سئ جدا وغير متحضر (احنا مش في الدويقة) وكمان اللي بيسؤها عيال مسجلين وبدون رخص وحرامية ولما حد يشوف التوك توك كل يوم بيزيد

ثانيا : شركة الأمن باسكان العبور .. راجل الأمن غير موجود دايما فى مكانه و إما نايم في الجامع ولا روح وبييجي تو ما المشرف بيمر عليه ده لو مر أصلاً

أرجو من المسئولين بالجهاز اتخاذ اللازم احتراما لآدميتنا

كلكم راع وكلكم مسئول عن رعيته

تعليق على مدونة شكاوى المواطنين بواسطة عبد العزيز أبو زيد

عبد العزيز أبو زيد — Tue, 13 Jul 2010 11:03:52 +0000

مهم جدا … لعد كل التعليقات أو الملاحظات

ماهو رد الفعل ….هل يوجد مسئول للرد
ولا هاننفخ في قربة مقطوعة

تعليق على مدونة آراء ومقترحات بواسطة عبد العزيز ابوزيد

عبد العزيز ابوزيد — Tue, 13 Jul 2010 10:59:47 +0000

السيد رئيس مجلس إدارة نادي مركز شباب العبور
تحيه طيبه وبعد
شائت الأقدار أن أدخل وأزور النادى لأول مرة منذ أسبوع تقريباً ، وخاب ظنى لما رأيت النادى الذى وضعت به المخلفات فى كل مكان وسوء حالة النظافة العامة ونظافة الحمامات ودورات المياه خاصة .. حتي اننى ندمت أشد الندم وكانت صدمة شديدة حينما غامرت لزيارة حمام السباحة …. مكان تغيير الملابس بشع بشع وسئ جداً جداً جداً عبارة عن دورة مياه تفوح منها الروائح الكريهة …
وهذا كله بعد عام فقط من الإفتتاح …. امال بعد سنتين او تلاته هايحصل ايه ….. برجاء التكرم ومراجعة أعمال الإدارة بشكل موضوعى وشكرا …

تعليق على مدونة آراء ومقترحات بواسطة عبد العزيز أبو زيد

عبد العزيز أبو زيد — Tue, 13 Jul 2010 10:52:45 +0000

السيد الفاضل رئيس الجهاز ….
1 - هل ضاقت الدنيا بأسماء الشوارع الكبيرة في المدينة حتى سميتم أهم شارع بالحي الثانى … بنعمان جمعه … من هو … وما تاريخه لمصر … أرجوك أرجوك أرجوك التوجيه بتغيير هذا الاسم إلى اسم لأحد الساده الادباء أو العلماء مثل أحمد زويل - مجدي يعقوب - طه حسين - ابن رشد - علي بن ابى طالب - فاروق الباز - فاطمه الزهراء - وأسماء كثيرة
2 - السيطره علي التوك توك بالمدينة حيث إنها بدون أرقام وليس لها ملفات وبالتالي ضلوعهم بالتأكيد فى كثير من الحوادث